د یوورځینو لوبو هغه توپ اچونکې چې ٥٠٠ ویکټې يي ترلاسه کړي
خبریال وېبپاڼه / پنځوس اوریزي لوبي د شل اوریزو لوبو په نسبت اوږدي او تقریبأ یوه ورځ نیسي.
مونږ دلته په دې ليکنه کې د نړيوال کرکټ د يواځيني دوه بالرانو په اړه مالومات درکوو چې په نړيوالو يو ورځنيو لوبو کې يې ۵۰۰ وکټې اخيستې:
لومړي : وسيم اکرم د پاکستان کرکټ ملي لوبډلې پخوانی پياوړی لوبغاړی وسيم اکرم يو له هغه يواځيني دوه لوبغاړو دی چې په نړيوالو يو ورځنيو لوبو کې يې ۵۰۰ وکټې پوره کړې دي.
دغه تکړه توپ اچوونکی د وخت يو له هغه بالرانو وو چې په خپل تېز بال او رېورس سوېنګ يې د نړۍ د کرکټ پياوړي بيټسمينان له ستونزو سره مخ کول.
د هغه سره په خوا کې د يو بل پياوړي بالر وقار يونس د توپاچونې له کبله پاکستانی بالينګ اټېک د وخت له خورا پياوړي او بهترين بالينګ اټيک څخه شمېرل کېده.
وسيم اکرم په تر سره کړو ټولټال ۳۵۶ نړيوالو يو ورځنيو لوبو کې ۵۰۲ وکټې اخيستې دي، چې دغه شمېر وکټې د يو ورځنيو لوبو په تارېخ کې دوهم تر ټولو ډېرې وکټې شمېرل کېږي.
دوهم: مورلي درن پخوانی سرېلانکايي ورو توپ اچوونکی مورلي درن په يو ورځنيو او ټيسټ کرکټ کې تر ټولو ډېرې وکټې اخيستې دي.
د هغه د توپ اچوونې ځانګړي انداز او د بال تاوېدو د وخت ډېری پياوړي بيټسمينان له مشکلاتو سره مخ کول او له مورلي درن څه په منډو اخيستو کې به يې له نوموړي سره احتياط کوه.
هغه د ۱۹۹۶ نړيوال جام په ګټلو کې سرېلانکايې لوبډلې ته مهم رول ولوبوه. د ۵۳۴ وکټو په اخيستو مورلي درن د نړيوالو يو ورځنيو لوبو د تارېخ تر ټولو ډېرې وکټې اخيستونکی بالر دی.
دا هغه دوه لوبغاړي دي کوم چې يي په یوورځینو نړیوالو لوبو کې ٥٠٠ ویکټې ترلاسه کړي دي.
