د نوین الحق غوره توپ اچوني په مرسته لوبډلې یی بریا ترلاسه کړه

خبریال وېبپاڼه / د انګلستان کورني ویټالیټي بلاسټ سیالیو په دوام پرون د جون په ۲۲مه نېټه لیسسټر شآیر لوبډلې د افغان تیز توپ اچونکي نوین الحق د غوره توپ اچونې پر مټ بریا تر لاسه کړه.

په دغه لوبه کې د نوین الحق اړوند لیسسټر شآیر لوبډلې د دربارشآیر لوبډلې پر وړاندې سیالۍ تر سره کړه، چې لومړی توپ وهنه د نوین الحق اړوند لوبډلې وکړه.

د اوو لوبغاړو په زیان يې په پوره شل اورونو کې ۱۷۴ منډې جوړې کړې او مقابلې لوبډلې ته يې د ۱۷۵ منډو هدف په مخ کې کېښود.

په دوهم اننګز کې دربارشآیر لوبډلې د لیسسټر شآیر لوبډلې د ۱۷۵ منډو په تعقیب توپ وهنه پیل کړه، خو د لیسسټر شآیر لوبډلې د قوي بالینګ پر وړاندې يې مقاومت ونه شو کړی، د ټولو لوبغاړو په سوځیدو په ۱۹ اورونو کې یوازې ۱۳۲ منډې تر لاسه کړې او د ۴۲ منډو په توپیر يې ستره ماتې وخوړه.

په دوهم اننګز کې دربارشآیر لوبډلې د لیسسټر شآیر لوبډلې د ۱۷۵ منډو په تعقیب توپ وهنه پیل کړه، خو د لیسسټر شآیر لوبډلې د قوي بالینګ پر وړاندې يې مقاومت ونه شو کړی، د ټولو لوبغاړو په سوځیدو په ۱۹ اورونو کې یوازې ۱۳۲ منډې تر لاسه کړې او د ۴۲ منډو په توپیر يې ستره ماتې وخوړه.

لیسسټر شآیر لوبډلې ته په توپ اچونه کې افغان چټک توپ اچونکي نوین الحق بهترینه توپ اچونه وکړه او د سیالې لوبډلې دوه مخکښ توپ وهونکي يې له مخې پورته کړل.

یاده دې وي چې نوین الحق په (۳،۴) درې آشاریه څلور اورونو کې د ۱۷ منډو په بدل کې دوه لوبغاړي وسوځول او خپله لوبډله يې بریا ته ورسوله.