نوین الحق په ویټالیټي بلاسټ سیالیو کې لومړی مقام له ځان سره لري.
خبریال وېبپاڼه / افغان تیز توپ اچونکی نوین الحق په انګلستان لیګ کې لومړی مقام لري.
د افغانستان د کرکټ ملي لوبډلې چټک توپ اچونکی نوین الحق د انګلستان په کورني ویټالیټي بلاسټ شل اوریزو سیالیو کې لومړی مقام له ځان سره لري.
نوین چې په انګلستان لیګ کې له لیسټرشآیر لوبډلې سره لوبیږي، نوموړي تر دې دمه په لسو لوبو کې د خپلې لوبډلې لپاره ۱۷ ویکټې تر لاسه کړې، چې په یاد لیګ کې تر ټولو توپ اچونکو مخکښ دی او لومړی مقام کې ده.
نوین الحق په یاد لیګ کې د ۱۷ ویکټو په درلودلو سره لومړی، براتوېت د ۱۵ ویکټو په لرلو سره دوهم، لیوان بیک د ۱۵ ویکټو په درلودلو سره درېيم، سکریم شاو او هوډسن د ۱۴-۱۴ ویکټو په لرلو سره څلورم او پنځم مقام کې قرار لري.
یاده دې وي چې په یاد لیګ کې پنځه افغان لوبغاړي قیس احمد، محمد نبي عیسی خېل، نوین الحق، مجیب الرحمان او راشد خان اخیستل شوي.
راشد چې د پاکستان په سوپر لیګ سیالیو کې بوخت ؤ نو له همدې امله یاد هېواد ته نه دی تللی، ویل کیږي چې راشد به یاد هېواد ته لاړ شي او له خپلې لوبډلې سره به یو ځای شي، خو پاتې نور افغان لوبغاړي یاد هېواد ته تللي او له خپلو لوبډلو سره یوځای شوي.
راشد چې د پاکستان په سوپر لیګ سیالیو کې بوخت ؤ نو له همدې امله یاد هېواد ته نه دی تللی، ویل کیږي چې راشد به یاد هېواد ته لاړ شي او له خپلې لوبډلې سره به یو ځای شي، خو پاتې نور افغان لوبغاړي یاد هېواد ته تللي او له خپلو لوبډلو سره یوځای شوي.
