افتاب عالم د شعیب اختر تر روزني لاندي تمرینات ترسره کوي
خبریال وېبپاڼه / افتاب عالم د پاکستاني لوبغاړي شعیب اختر نه روزنه ترلاسه کړی
د افغانستان کرکټ ملي لوبډلې چټک توپ اچونکی افتاب عالم د پاکستان اسلام اباد ته تللی دی او هلته به د پاکستان کرکټ ملي لوبډلې پخواني چټک توپ اچونکي شعیب اختر څخه روزنه ترلاسه کړي.
افتاب عالم ځینو رسنیو ته دا خبره تایید کړې ده، چې هغه نن اسلام اباد ته رسېدلی دی او هلته د شعیب اختر څخه د توپ اچونکې په برخه کې روزنه ترلاسه کړي.
ویل کېږي چې افتاب عالم په دې اړه مخکې له مخکې د شعیب اختر سره ټیلیفوني خبرې کړې وې او هغه دې ته راضي شوی و چې افتاب عالم ته د توپ اچونې په برخه کې روزنه ورکړي.
افغانستان د چټکو توپ اچونکو د ستونزې سره مخ دی، خو افتاب عالم بیا په خپل شخصي مصارف اسلام اباد ته ځي او هلته له شعیب اختر څخه روزنه ترلاسه کوي. هغه په یو-یو ټیسټ کې هم ناکامه شوی و.
شعیب اختر د نړۍ په کچه یو له چټکو توپ اچونکو څخه و، چې اوس هغه د کرکټ یو کمنټیټر یا مبصر په توګه خپل یو یوټیوب چېنل لري.
نوموړي په دې وروستیو کې د افغان لوبغاړو ډېره ستاینه هم کړې ده، افغان لوبغاړي چې د پاکستان سوپر لیګ کې ښه وځلېدل، شعیب اختر یې هم په ځینو ویډیوګانو کې ډېره ستاینه کړې ده.
