د انګلستان او پاکستان ترمنځ لومړنۍ٢٠اوریزه لوبه او پکي جوړ شوي ریکارډونه.
خبریال وېبپاڼه / د انګلینډ او پاکستان ترمنځ لومړۍ شل اوریزه لوبه کې جوړ شوي ریکارډونه.
د انګلینډ په وړاندې لومړۍ شل اوریزه لوبه کې د پاکستان له لوري ۲۳۲ منډې په شل اوریزه نړیوالو لوبو کې د یاد هیواد تر ټولو ډيرې منډې وې چې یوه لوبه کې یې کوي.
تر دې وړاندې د شل اوریزه نړیوالو لوبه یوه لوبه کې د پاکستان تر ټولو ډيرې منډې ۲۰۵ وې چې د ویسټ انډيز په وړاندې یې کراچۍ کې کړې وې.
د لیوینګ سټون له لوري په ۱۷ بالونو نیمه سلیزه او په ۴۲ بالونو سلیزه د انګلینډي لوبغاړو ترمنځ شل اوریزه نړیوالو لوبو کې ترټولو چټکه سلیزه او نیمه سلیزه وه.
د لیونګ سټون پاڼۍ کې ۹ شپږیزې په یوه شل اوریزه نړیواله لوبه کې د یو انګلینډي لوبغاړي ترټولو ډيرې شپږیزې وې، تر دې وړاندې ډيرې شپږیزې وهونکی لوبغاړی یوه لوبه کې مورګن وو چې ۷ شپږیزې یې وهلې وې.
د بابر اعظم او رضون ترمنځ د ۱۵۰ منډو ملګرتیا په شل اوریزه نړیوالو لوبو کې د پاکستان لپاره دوهمه تر ټولو غوره ملګرتیا وه، تر دې وړاندې هم د دواړو ترمنځ د ۱۹۷ منډو ملګرتیا شوې وه.
لیونګ سټون لومړی لوبغاړی شو چې د پاکستان په وړاندې په شل اوریزه نړیواله لوبه کې سلیزه وهي، تر دې وړاندې د هیڅ لوبډلې لوبغاړي د یاد هیواد په وړاندې شل اوریزه لوبو کې سلیزه نه وه وهلې.
