کریکبال وېبپاڼه- د اسټرالیا او انګلستان کرکټ ملي لوبډلو ترمنځ د درې یو ورځنیو لوبو سیریز په دوهمه لوبه کې انګلستان بریا خپله کړه.
انګلستان د پچې په ګټلو سره لومړی توپ وهنه پیل کړه او په پنځوس اورونو کې یې د ۹ لوبغاړو په سوځیدو سره ۲۳۱ منډې جوړې کړې.
د انګلستان له لوري په توپ وهنه کې جېسن روی (۲۱)، د لوبډلې مشر ایون مورګن (۴۲)،جو روټ (۳۹)،کریس ووکس (۲۶)،ټام کرن (۳۷) او عادل راشید وروستیو کې (۳۵) ناسوځیدلې منډې جوړې کړې.
د اسټرالیا لخوا توپ اچونه کې زمپا (۳)،مېچل سټارک (۲) ، کومېنز،مارش او هېزلووډ (۱-۱) ویکټ ترلاسه کړه.
ټاکل شوی هدف د اسټرالیا لخوا ترلاسه نه شو او ټوله لوبډله په ۴۹م اور کې یوازې په ۲۰۷ منډو وسوځیده او سیالي یې په ۲۴ منډو توپیر کوربه لوبډلې ته بایلوده.
د انګلستان له لوري په توپ اچونه کې جوفرا ارچر،ووکس او سام کرن (۳-۳) ویکټې ترلاسه کړې او همداشان عادل راشید بیا یوه ویکټ ترلاسه کړه.
د سیالۍ غوره لوبغاړی ارچر ونومول شو،چې د کمو منډو په ورکولو سره یې درې ویکټې اخیستي وې.
پدې سره د دواړو لوبډلو ترمنځ روان سیریز (۱-۱) کې مساوي شو او دواړو لوبډلو ترمنځ به وروستۍ سیریز برخلیک ټاکونکي لوبه د سپټمبر په ۱۶مه نېټه ترسره شي.
