کریکبال وېبپاڼه- لنکا پریمیر لیګ چې تیره شپه د کولمبو کینکز او کنډي ټوسکرز لوبډلې په لوبې سره پیل شو،پکې کولمبو کینکز لوبډلې د ټاس په ګټلو سره لومړی توپ وهنې نوبت کنډي لوبډلې ته ورکړ.
کنډي لوبډلې د رحمن الله ګربز او کوسل پریرا د ښې توپ وهنې په مټ په شل اورونو کې د ۳ لوبغاړو په سوځیدو ۲۱۹ منډې جوړې کړې او مقابلې لوبډلې ته یې د ۲۲۰ منډو هدف وټاکه.
د کنډي ټوسکرز لوبډلې له لوري په توپ وهنه کې رحمن الله ګربز په ۲۲ توپونو د ۶ څلوریزو او ۴ شپږیزو په مټ په (۵۳) منډو د قیس احمد لخوا اوټ کړل شو.
کوسل پریرا په ۵۲ توپونو د ۴ شپږیزو او ۹ څلوریزو په مرسته (۸۷) منډې جوړې کړې.
د کولمبو کینکز له لوري په توپ اچونه کې قیس احمد په ۳ اورونو کې ۲۸ منډې ورکړې او یوه ویکټ یې له ترلاسه کړه.
ټاکل شوي هدف په مقابل کې کولمبو لوبډلې ښه پیل ورکړ. د دانش چنډیمل د (۸۰) او په وروستیو کې د توپ اچونکي اسورو اوډنا په ۱۲ توپونو د ۳۴ ناسوځیدلو منډو په مټ د ۷ لوبغاړو په سوځیدو ۲۱۹ منډې جوړې کړې او لوبه یې مساوي کړه.
د کنډي لوبډلې لخوا توپ اچونه کې افغان لوبغاړي نوین الحق په ۴ اورونو کې ۴۰ منډې ورکړې او ۲ لوبغاړي یې وسوځول.
وروسته د کولمبو لوبډلې لخوا په سوپر اور کې کنډي ټوسکرز لوبډلې ته د ۱۷ منډو هدف ورکړل شو.
د هدف په تعقیب کې که څه هم رحمن الله ګربز د یوې شپږیزې او یو څلوریزې په مټ ۱۱ منډې جوړې کړې،خو سیالي یې د ۴ منډو په توپیر مقابلې لوبډلې ته بایلوده.
نن به پدې سیالیو کې د ګلي ګلډیئټرز او جفنا سټالینز لوبډلو ترمنځ سیالي ترسره شي.
ګلي ګلډیئټرز لوبډلې سره افغان لوبغاړی حضرت الله ځاځی هم شتون لري.
