کریکبال وېبپاڼه- سریلانکا کرکټ بورډ د ۲۰۲۱ کال پر مهال د لوبډلو سره د ترسره کیدونکو سیالیو مصروف مهال ویش اعلان کړ چې له مخې به یې یاده لوبډله په لومړي ځل د ایرلینډ کرکټ ملي لوبډلې سره پخپل کوربتوب ټیسټ لوبه هم ترسره کړي.
افغانستان او ایرلینډ په یوه وخت د کرکټ نړیوالې شورا لخوا د ټیسټ سیالیو امتیاز ترلاسه کړئ،خو د افغانستان په پرتله د یاد هیواد کرکټ بورډ د منظم پلان له مخې خپلې لوبډلې ته، تر خپلې وسې د سترو لوبډلو په وړاندې د زیاتو سیالیو چانس برابر کړئ.
خو له بل خوا یې سیال افغانستان یوازې د کرکټ نړیوالې شورا (FTP) سیالیو ته انتظار باسي.
د (FTP) سیالیو له مخې ټاکل شوي ده چې افغانستان به د ۲۰۲۱ کال د جولای-اګسټ ترمنځ درې یو ورځنۍ او درې شل اوریزې لوبې له کوربه سریلانکا سره ترسره کړي.
خو د سریلانکا کرکټ بورډ لخوا د ۲۰۲۱ کال لپاره اعلان شوي مهال ویش کې له افغانستان سره درې یو ورځنۍ لوبې نومبر میاشت ښودل شوې،دا هغه نېټه ده چې افغانستان کرکټ بورډ له اسټرالیا سره د ټیسټ لوبې خبر ورکړی پکې ورکړی دی.
د سریلانکا کرکټ بورډ لخوا اعلان شوي مهال ویش له مخې به سریلانکایۍ لوبډله ټولې په ۲۰۲۱ کال کې ټولې ۸ ټیسټ، ۱۵ یو ورځنۍ او ۱۲ شل اوریزې لوبې ترسره کړي.
سریلانکايۍ لوبډلې د ۲۰۲۱ کال د لوبو مهال ویش:
جنورۍ: انګلستان په وړاندې ۲ ټیسټ لوبې پخپل کوربتوب ترسره کوي.
فبروري-مارچ: ویسټ انډیز په لوري دوره کوي چې ۲ ټیسټ، ۳ یو ورځنۍ او ۳ شل اوریزې لوبې به وکړي.
مارچ-اپریل: پخپل کوربتوب له بنګله دېش سره درې ټیسټ لوبې ترسره کوي.
مۍ: ایرلینډ سره یوه ټیسټ لوبه پخپل کوربتوب لري.
مۍ-جون: بنګله دېش ته د ۳ یو ورځنیو لوبو لپاره سفر لري.
جون: اشیا کپ سیالیو کوربتوب په غاړه لري.
جون-جولای: انګلستان ته د ۳ یو ورځنیو لوبو لپاره سفر لري.
جولای: د هند په وړاندې د ۳ شل اوریزو لوبو کوربتوب لري.
جولای- اګسټ: دوهم پړاو (ایل پي ایل) کوربتوب لري.
اګسټ-سپټمبر: د سویلي افریقا په وړاندې د ۳ یو ورځنیو او ۳ شل اوریزو لوبو کوربتوب لري.
سپټمبر-اکتوبر: سکاټلینډ په وړاندې د ۳ شل اوریزو لوبو کوربتوب لري.
اکتوبر-نومبر: د هند په کوربتوب نړیوال شل اوریز جام کې برخه اخلي.
نومبر-دسمبر: افغانستان په وړاندې د ۳ یو ورځنیو لوبو کوربتوب په غاړه لري.
دسمبر: په لومړي ځل لس اوریزه لیګ پیلوي.
