کریکبال وېبپاڼه- پاکستاني الاصله اسټرالیاوي لوبغاړي عثمان خواجه د بیګ باش سیالیو پر مهال د لوبې په منځ او لوبغالي کې پتلون باسلی وو چې د نوموړي یادې کړنې د هغه مینه وال هم په غصه کړي.
عثمان خواجه د لوبې په نهم اور کې د خپل ګارډ بدلولو لپاره فېډونه،بوټونه او ان خپل پتلون یې هم د خلکو په منځ کې هغه هم په میدان کې دننه ایسته کړل،چې د هغه مینه والو دا د یو شرم ډک کار یاد کړی دی.
ځینو مینه والو په ټولنیزو رسنیو کې ورته ویلي چې هغه باید خپل ډرسینګ روم یا اطاق کې دننه پتلون ایسته کړی وای.
تراوسه د کرکټ په تاریخ کې داسې کړنه کوم لوبغاړي نه وه کړې او پاکستانی عثمان خواجه لومړی لوبغاړی شو چې داسې د خندا وړ کړنه ترسره کوي.
عثمان خواجه د اسټرالیا په بیګ باش سیالیو کې د سیډني تندر لوبډلې په ګټه لوبیږي.
د نوموړي شرمونکي کړنې سره،سره بیا هم لوبډله له ماتي ونه ژغورله او یاده لوبډله په اوو ویکټو د برېسبن هېټ لوبډلې لخوا له سختې ماتي سره مخ شوه.
هیره دې نه وي چې بیګ باش سیالیو پایلوبې ته سیډني سکسرز لوبډلې لار موندلي ده.
د اسټرالیا بیګ باش سیالیو پایلوبه به د فبرورۍ په شپږمه نېټه ترسره شي.پایلوبې ته لار موندونکي دوهمه لوبډله به د برېسبن هېټ او پرت سکرچرز لوبډلو ترمنځ د لوبې څخه،چې د فبرورۍ په څلورمه نېټه ده،لار ومومي.
