کریبال وېبپاڼه- د انګلستان کرکټ ملي لوبډلې پخوانی ورو توپ اچونکی ګرېم سوان وایي،بهترین توپ وهونکی چې انګلستان تولید کړی هغه جو روټ دی.
نوموړي وویل،جو روټ یو داسې لوبغاړی دی چې د الیسټر کوک د زیاتو منډو ریکارډ به هم مات کړي.
الیسټر کوک د انګلستان لپاره تر ټولو زیاتې منډې جوړونکی لوبغاړی دی.نوموړي (۱۲ زره ۲۴۹) منډو په جوړولو سره لومړی مقام لري.
جو روټ اوسمهال د (۸ زره ۲۴۹) منډو په جوړولو سره د انګلستان لخوا څلورم زیاتې منډې جوړونکی لوبغاړی دی.
ګرېم سوان څرګندونې پداسې مهال مخې ته راځي چې ټاکل شوي سبا به جو روټ د هندوستان خلاف د خپل کرکټ کیریر په سلمه ټیسټ لوبه کې راښکاره شي.
جو روټ د سریلانکا خلاف په وروستي سیریز کې هم ښې لوبې ترسره کړې چې (۴۲۶) منډې یې جوړې کړې او انګلستان ته یې د سیریز په ګټلو کې مهم رول ادا کړ.
ټاکل شوي چې د انګلستان او سویلي افریقا کرکټ ملي لوبډلو ترمنځ به د درې ټیسټ لوبو لومړی لوبه سبا په چنای ښار کې ترسره شي.
هندوستان هم د اسټرالیا خلاف په وروستي سیریز کې بریا خپله کړي وه او انګلستان هم د سریلانکا خلاف په وروستي سیریز کې بریا خپله کړي وه.
دواړه پیاوړي لوبډلې دي او د دوی ترمنځ به د ټیسټ لوبو سیریز هم جالب وي.
