کریکبال وېبپاڼه- په ننګرهار کې د نجیب تره کي د کرکټ لوبغالي د دویمې برخې د جوړېدو چارو په پار د نور متون ودانیز شرکت سره تړون یا قرارداد لاسلیک شوی دی.
د کرکټ بورډ په وینا د یاد لوبغالي د دوېمې برخې جوړونې چارې به د روانې فبرورۍ میاشتې له ۱۳ مې نېټې څخه پیل چې په ۷ میاشتو کې به پای ته ورسیږي.
د کرکټ بورډ په وینا د یاد لوبغالي لومړني ابتدایي کارونه تر یوې کچې پای ته رسېدلي وو،خو د دویمې برخې چې په هغې کې د لوبغالي ډکون او هوارل،څاه کېندنه، د لوبغالي څلورو خواو ته د ویالو کیندل،د اوبو ذخېره او د چمن جوړول شامل وو،پاتي وو.
کرکټ بورډ ویلي د دوی انجینرۍ څانګې غړي به د لوبغالي کارونه له نږدې څاري او په وخت به یې راپور له کرکټ بورډ سره شریکوي.
د مرحوم نجیب تره کي دغه نوی لوبغالی به د (۳۵ – ۵۰) زرو پورې د نندارچیانو د ناستي ظرفیت ولري.
