کریکبال وېبپاڼه- د نورو لوبډلو په څير سریلانکا کرکټ بورډ هم د ۲۰۲۱ کال پر مهال د خارجي لوبډلو سره د لوبو سکیجول یا مهال ویش خپور کړ،سریلانکا لوبډله له نوره جلا ده او دوی د افغانستان سره لوبو ته هم په سکیجول کې ځای ورکړی دی.
۱:- سریلانکا ـ ویسټ انډيز (مارچ)
سریلانکا کرکټ ملي لوبډله به په مارچ میاشت کې د ویسټ انډيز په لوري وځوځیږي او هلته به د کوربه هیواد سره درې ټيسټ،درې یو ورځنۍ او درې شل اوریزې لوبې ترسره کړي.یو ورځنۍ لوبې د ای سي سي ورلډ کپ سوپر لیګ برخه دي.
۲:- سریلانکا – بنګله دېش (مۍ)
سریلانکا کرکټ ملي لوبډله به د ویسټ انډيز له دورې وروسته بنګله دېش ته سفر وکړې او له کوربه هیواد سره به د ورلډ کپ سوپر لیګ درې پنځوس اوریزې سيالۍ ترسره کړي،ټاکل شوي وه چې دغه سيالۍ به په ۲۰۲۰ کال دسمبر میاشت کې ترسره شوي وای،خو د کرونا له کبله وځنډيدې او دا سيالۍ به یو ځل بیا ترسره شي.
۳:ـ سریلانکا – انګلستان (جون)
په جون میاشت کې به سریلانکا کرکټ ملي لوبډله د درې یو ورځنیو او درې شل اوریزو لوبو لپاره انګلستان ته روان شي،یو ورځنۍ لوبې د ورلډ کپ سوپر لیګ پړاو برخه دي،خو شل اوریزې لوبې بیا نړیوال جام ته د آماده ګۍ په موخه دي.
۴: آسیا کپ (جون)
دا هغه ځنډول شوی جام دی چې تیر کال د کرونا له کبله وځنډیده،د اسیا کپ سیالیو کې افغانستان هم برخه لري او دغه جام به د سریلانکا په کوربتوب ترسره شي.
۵:- افغانستان – سریلانکا (جولای-اګسټ)
ټاکل شوي چې سریلانکا کرکټ ملي لوبډله به پخپل کوربتوب له افغانستان سره درې شل اوریزې او درې یو ورځنۍ لوبې ترسره کړي.یو ورځنۍ لوبې د ورلډ کپ سوپر لیګ پړاو برخه دي،خو شل اوریزې لوبې نړیوال جام ته د آماده ګۍ په موخه دي.
۶:- سریلانکا – بنګله دېش (دسمبر)
سریلانکا کرټ ملي لوبډله به د کال وروستۍ برخه کې بنګله دېش هیواد ته سفر وکړي او د کوربه هیواد سره به دوه ټيسټ لوبې ترسره کړي.
لدې وړاندې هند،سويلي افریقا او نورو لوبډلو هم د ۲۰۲۱ کال پر مهال د سيالیو سکیجولونه خپاره کړي وو،خو د افغانستان سره پکې لوبو ته ځای نه وو ورکړل شوی.دا لومړی ځل دی چې سریلانکا هیواد پخپل خپاره شوي مهال ویش کې افغانستان لوبو ته ځای ورکوي.
