هند کرکټ بورډ د ۲۰۲۰ کال ای پي ایل سیالیو لپاره د چینایي موبایل کمپنۍ (ViVo) سره د سپانسرۍ تړون لغوه یا پای ته ورسوه.
د چینايي موبایل جوړونې یاد شرکت سره له هغې وروسته، د هند کرکټ بورډ لخوا تړون پای ته رسول کیږي،چې په جون میاشت کې د دواړو هیوادونو ترمنځ د همالیا په ختیځ لدخ سرحد کې د دواړو هیوادونو د سرحدي ځواکونو ترمنځ نښته ترسره شوه.
ددې سربیره هند حکومت پخپل هیواد کې په ۵۹ نورو چینایي اپلیکشنونو چې په هغې کې (ټیک ټک) هم شامل دی،بندیزونه ولګول.
د هند حکومت په وینا چې دا دوی د هیواد خپلواکۍ،دفاع او امنیت په زیان وو او له همدې کبله یې پرې بندیز ولګوه.
هند کرکټ بورډ وویل: (( بي سي سي ای او (ویؤو) پریکړه کړې چې دوی به د یو او بل سره د ۲۰۲۰ کال ای پي ایل سیالیو سپانسرۍ تړون یا ډېل نور پای ته رسوي.))
د یادونې وړ ده چې (ViVo) موبایل کمپنۍ له هند کرکټ بورډ سره د پنځو کالونو (۲۰۱۸ – ۲۰۲۲) پورې د ای پي ایل سیالیو د سپانسرۍ تړون لاسلیک کړئ وو.
د ویؤو چینایي شرکت سره د تړون پای ته رسولو وروسته،هند کرکټ بورډ هڅې روانې کړي چې له یو بل نوي شرکت سره تړون ترسره کړي.
ټاکل شوي چې د ۲۰۲۰ کال ای پي ایل سیالۍ به راتلوونکي سپټمبر میاشتې په ۱۹مه نېټه په اماراتو کې پیل شي.
پدې سیالیو کې افغان لوبغاړي هم شتون لري،خو د ای پي ایل پر وخت د افغان کورني کرکټ سترې سیالۍ (شپږیزه) هم پیلیږي.تراوسه ښکاره نده چې افغان لوبغاړي به په ای پي ایل سیالیو کې برخه واخلي او که شپږیزه لیګ سیالیو کې به،برخه واخلي.
