کريکبال ويبپاڼه/ تازه د کرکټ نړیوالې شورا نن د اپریل په څوارلسمه نېټه د یوورځینیو سیالیو درجه بندې اعلان کړې چې پاکستانی
لوبډلمشر بابر اعظم خپل سرسخت سیال د هندوستان د کرکټ ملي ټيم لوبډلمشر ویراټ کوهلي شاته پرېښود او لومړی مقام يې خپل کړ.
په دغه تازه درجه بندۍ کې د پاکستان د کرکټ لـوبډلمشر بابر اعظم د ۸۶۵ نمرو په لرلو سره لومړی، د هندوستان لوبډلمشر ویراټ کوهلي
د ٨٥٥ پوینټونو په درلودلو سره دوهم، د هندوستان بل مخکښ اوپنر توپ وهونکی روهیت شرما د ۸۲۵ نمرو په لرلو سره دريم، د
نیوزیلینډی هېواد د کرکټ لوبغاړى روز ټیلر د ۸۰۱ امتیازونو په درلودلو سره څلورم، د استرالیا هېواد څخه تکړه لوبغاړى ایروین فینچ د ۷۹۱ نمرو په لرلو سره پنځم، د انګلستان هېواد څخه جاني بیرسټو
د ۷۸۵ پوینټونو په درلودلو سره شپږم، فخر زمان د ۷۷۸ نمرو په لرلو سره اووم، فاف ډوپلیسیس د ۷۷۸ امتیازونو په تر لاسه کولو سره
اتم، اسټرالیايي اوپنر توپ وهونکی ډیویډ وارنر د ۷۷۳ نمرو په درلودلو سره نهم او ویسټ انډیزی شيا هوپ بیا د ۷۷۳ پواینټونو په لرو سره په وروستي لسم ځای کې قرار لري.
یاده دې وي چې د پاکستان لـوبډلمشر بابر اعظم وروسته له هغه لومړی مقام تر لاسه کړي، چې په یو ورځنیو سیالیو کې
د افریقا د ملي کرکټ ټيم سره په سيريزونو کې ښه ځلیږي، او د
افریقا د کرکټ ملي لوبډلې ته دوه د یو پر وړاندې ماتې ورکړي ده. دغه لوبي د پاکستان د کرکټ ملي لوبډلې لپاره تر دا مهال ګټوري تمامي شـوې دي.
