پاکستان لوبډلي خپل بدل ترلاسه کړه.
کریکبال وېبپاڼه / د پاکستان کرکټ ملې لوبډلي او زمبابوي کرکټ ملي لوبډلي ترمنځ د دري شل اوریزو او دوه ټیسټ لوبو لوبلړې.
د زمبابوي په کوربه توب د پاکستان کرکټ ملې لوبډلي او د زمبابوي کرکټ ملي لوبډلو ترمنځ د دري شل اوریزو لوبو وروستي لوبه نن ترسره شوه.
چي په یاده لوبه کې د پاکستان کرکټ ملي لوبډلې ټاس یا بچه وکټله او د توپ وهني پریکړه يي وکړه. او د توپ اچوني بلنه يي د زمبابوي لوبډلي ته ورکړه.
د پاکستان لوبډلې په ټاکلو شل اورونو کې د دري ویکټو په زیان سره ١٦٥ منډې ترلاسه کړي او د زمبابوي لوبډلې ته يي د ١٦٦ منډو هدف په شل اورونو کې ورکړه.
همدارنګه لومړني شل اوریزه لوبه د پاکستان لوبډلې کټلې وه.
خو دویمه شل اوریزه لوبه تري د زمبابوي لوبډلې وکټله.
په دوهمه شل اوریزه لوبه کې د پاکستان لوبډله په نهه نوي منډو وسوځیده.
د پاکستان لوبډلې لپاره په توپ وهنه کې محمد رضوان او بابر اعظم ښه توپ وهنه وکړه.
چي محمد رضوان په ٦٠ توپونو باندي د دریو شپږیزو او پنځو څلوریزو پر مټ یو نوي ناسوځیدلي منډې جوړي کړي. او بابر اعظم بیا د ٤٦ توپونو په مرسته ٥٢ منډي جوړي کړي.
د زمبابوي لوبډلې لپاره په توپ اچونه کې بیا لوګ جنګوي ښه توپ اچونه ترسره کړه. نوموړي په څلورو اورونو کې د ٣٧ منډو په ورکولو سره دري ویکټي ترلاسه کړي.
د زمبابوي لوبډلې ونه شوو کولي چي یاد هدف ته ځان ورسوي او د په شلو اورونو کې د اووه لوبغاړو په زیان ١٤٧ منډې ترلاسه کړي او لوبه تري د پاکستان لوبډلې د څلرویشتو منډو په توپیر وکټله.
د زمبابوي لپاره په توپ وهنه کې ویسلې په ٤٧ توپونو باندي نهه پنځوس منډي جوړي کړي او د نورو لوبغاړو په نسبت ښه وځلیده.
د پاکستان لپاره په توپ اچونه کې حسن علي ښه توپ اچونه وکړه. چي په څلورو اورونو کې د ١٨ منډو په ورکولو سره څلور ویکټې ترلاسه کړي.
پاکستان د يادي لوبي په کټلو سره د شل اوریزو لوبو لوبلړي د دوه د یو پر وړاندي د زمبابوي څخه وکټله او لوبلړي يي په خپل نوم کړه.
د لوبي غوره لوبغاړي پاکستاني توپ اچونکي حسن علي وټاکل شو. هغي په څلورو اورونو کې د ١٨ منډو په ورکولو سره څلور ویکټې ترلاسه کړي.
او همدارنګه د ټول سریز غوره لوبغاړي بیا محمد رضوان وټاکل شو.
همدارنګه د یاد سفر په دوام دوه ټیسټ لوبي هم د زمبابوي او پاکستان کرکټ ملې لوبډلو ترمنځ ترسره کیږي.
چي لومړني ټیسټ لوبه د اپریل د میاشتي په نهه ویشتمه نيټه ترسره کيږي او د می د میاشتې تر دریمې نیټي پوري دوام کوي.
