په نني ماتي سره د حیدراباد لوبډلې د مخکي تګ چانس کم شو.
کریکبال وېبپاڼه / د هندوستان غوره لیګ سیالیو په دوام نن د یاد لیګ اته ویشتمه لوبه ماسپښين ترسره شوه.
یاده لوبه چي د سنرایزر حیدراباد او راجستان رایلز ترمنځ ترسره شوه.
د لوبي پچه يا ټاس د حیدراباد لوبډلې وکټله او د توپ اچوني پریکړه يي وکړه.او د توپ وهني بلنه يي د راجستان رایلز لوبډلې ته ورکړه.
راجستان رایلز لوبډلې په ټاکل شوو شل اورونو کې د دري لوبغاړو په زیان ٢٢٠ منډې ترلاسه کړي.او د سنرایزر حیدراباد لوبډلې ته يي د ٢٢١ منډو هدف ورکړه.
د راجستان لوبډلې لپاره په توپ وهنه کې جاز بټلر ښه توپ وهنه وکړه.نوموړي په ٦٤ توپونو په مرسته ١٢٤ منډې ترلاسه کړي.
همدارنګه سینجو سمسون هم د راجستان لوبډلې ته د ٣٣ توپونو په مرسته ٤٨ منډې ترلاسه کړي.
د حیدراباد لوبډلې لپاره په توپ اچونه کې راشد خان ویجای شنګر او سندیف شرما یوه یوه ویکټه ترلاسه کړه.
راشد خان په څلورو اورونو کې د ٢٤ منډو په ورکولو سره یوه ویکټه ترلاسه کړه.
حیدراباد لوبډله ونه توانیده چي یاد هدف پوره کړي.په شل اورونو کې يي د اتو لوبغاړو په زیان يي ١٦٥ منډې ترلاسه کړي.او لوبه تري د راجستان رایلز لوبډلې د ٥٥ منډو په توپیر وکټله.
د حیدراباد لوبډلې لپاره په توپ وهنه کې منیش پنډي په ٢٠ توپونو باندي ٣١ منډې او جوني براسټو په په ٢١ توپونو باندي ٣٠ منډې د حیدراباد لوبډلې لپاره ترلاسه کړي. خو ونه شوي کولي چي خپله لوبډله تر بریا ورسوي.
د راجستان لوبډلې لپاره په توپ اچونه کې مستفیض الرحمن په څلورو اورونو کې د ٢٠ منډو په ورکولو سره څلور ویکټي ترلاسه کړي.
او ګریس موریس هم په څلورو اورونو کې د ٢٩ منډو په ورکولو سره دري ویکټي ترلاسه کړي.
د لوبي غوره لوبغاړي جاز بټلر وپیژندل شو. نوموړي د راجستان رایلز لپاره په توپ وهنه کې
په ٦٤ توپونو باندي يي ١٢٤ منډي ترلاسه کړي وي.
دا د په روان لیګ کې د حیدراباد لوبډلې شپږمه ماتي وه.چي په دي ماتي سره د حیدراباد لوبډلې د مخکي تګ چانس هم کم شوو.
د یاد لیګ په دوام نهه ویشتمه لوبه د پنجاب کینګز او ډیلي کپیټلز لوبډلو ترمنځ روانه ده.چي د پنجاب لوبډله توپ وهنه توپ وهنه کوي.
