نړیوال جام شاید هند کې ترسره نشي
کریکبال وېبپاڼه / د نړيوال جام کوربه توب ښايي هند په عمان او اماراتو کې وکړي
د هند کرکټ کنټرول ادارې په متحده عربي اماراتو کې د عمان کرکټ بورډ له ادارې سره د جون په لومړۍ نېټه په یوه ګډه ناسته کې د نړي،ال په اړه خبرې کړي دي.
که څه هم لا تر اوسه پدې اړه پرېکړه نده شوې، خو هند کرکټ کنټرول اداره پدې لټه کې ده، چې د راتلونکي نړي،ال شل اوريز جام کوربه توب په يو خوندي ځای کې وکړي.
ټاکل شوې وه، چې ياد جام په هند کې د هند په کوربه توب ترسره شي، خو د کرونا وبا چټکې خپرېدو له کبله ښايي لوبې هلته ترسره نشي.
متحده عربي امارت د هند لپاره تر نظر لاندې لومړۍ سيمه ده، چې درې لوبغالي پکې د نړيوالو سياليو لپاره چمتو دي.
د ابو دوبۍ لوبغالی، شارجې لوبغالی او د شيخ زايد ککرټ نړيوال لوبغالی د اماراتو درې نړيوال کرکټ لوبغالي دي، چې ښايي نړيوال جام پرې ترسره شي.
بل لور ته د عمان په پلازمېنه کې هم دوه لوبغالي د نړيوالو سياليو د ترسره کولو جواز لري او هند کرکټ بورډ له اماراتو سره په شريکه په دواړو هېوادونو کې د نړيوال جام د کروبه توب په لټه کې دی.
ابو دوبۍ لوبغالی، شارجې لوبغالی او د شيخ زايد ککرټ نړيوال لوبغالی د اماراتو درې نړيوال کرکټ لوبغالي دي، چې ښايي نړيوال جام پرې ترسره شي.
افغانستان او زيمبابوې ترمينځ د وروستۍ سيالۍ لپاره هم د عمان کرکټ اکاډومۍ لوبغالی انتخاب شوی وو، خو د د زيمبابوې لوبغاړو د غوښتنې پر اساس هغلته سيالۍ ترسره نشوې.
د شل اوريز نړيوال جام په لومړي پړاو کې به اته لوبډلې د د سوپر دوولس لوبډلو ته لارموندنې په موخه سيالۍ ترسره کړي، چې دغه اته لوبډلې ( بنګله دېش، سريلانکا، ايرلينډ، نيدرلينډ، پاپوا نيو ګېني، نميبيا، عمان او سکاټلينډ) دي.
يادې سيالۍ به د اکتوبر له اتلسمې نېټې څخه د همدې مياشتې تر ۲۳مې نېټې پورې ترسره شي، خو سوپر ۱۲ پړاو سيالۍ بيا د همدې مياشتې په ۲۴مه نېټه پیليږي.
افغانستان، استراليا، هند، پاکستان، انګلستان، نيوزيلنډ، ويسټ انډيز او سويلي افريقا لا له وړاندې سوپر دوولس پړاو سياليو ته لارموندنه کړې ده.
