د ایرلېنډ غوره الراونډر له یو ورځنیو لوبو سره مخه ښه وکړه
خبریال وېبپاڼه / کېوېن اوبراین چې د نړۍ په کرکټ او په ځانګړي ډول د ایرلېنډ په کرکټ کې ځانګړی نوم و، د جمعې په ورځ یې له کرکټ سره مخه ښه اعلان کړه.
نوموړي ویلي دي چې « د ایرلېنډ لپاره له پنځلس کلن کرکټ وروسته غوره وخت دی، چې خپل تقاعد اعلان کړم».
هغه ۳۷ کاله عمر لري او په ټېسټ او شل اوریزو لوبو کې به د ایرلېنډ لپاره لا لوبو ته دوام ورکړي.
هغه په یو ورځنیو لوبو کې د ایرلېنډ لپاره ۱۱۴ وېکټې اخیستي او ۶۸ کېچونه یې هم نیولي دي.
کیون اوبراین په ۱۹۸۴ ز کال کې د مارچ په ۴ مه د ایرلېنډ په دوبلېن سیمه کې نړۍ ته راغلی دی.
۲۰۱۸ کې یې د ټېسټ لوبو پیل د پاکستان پر وړاندې وکړ، په درېیوو ټېسټ لوبو کې یې ۲۵۸ منډې کړي دي، یوه پاڼۍ کې یې لوړې منډې ۱۱۸ دي، یوه سلیزه او یوه پنځوسیزه لري او ۲۹ یې څلوریزې وهلي دي.
وروستۍ ټېسټ لوبه یې ۲۰۱۹ کې د انګلستان پر وړاندې کړې ده.
د یو ورځنیو لوبو پیل یې د ۲۰۰۶ کال د جون په ۱۳ مه کړی دی، ۱۵۲ لوبو کې یې ۳۶۱۹ منډې کړي، ۱۴۲ یې لوړې منډې دي، ۲ سلیزه، ۱۸ پنځوسیزې، ۳۳۲ څلوریزې او ۸۴ یې شپږیزې وهلي دي.
وروستۍ یو ورځنۍ لوبه یې ۲۰۲۱ کې د نېدرلېنډ پر وړاندې وکړه.
د شل اوریزو لوبو پیل یې په ۲۰۰۸ کې د سکاټلېنډ پر وړاندې کړی و، ۹۵ شل اوریزو لوبو کې یې ۱۶۷۲ منډې کړي، لوړې یې ۱۲۴ دي، یوه سلیزه او درې یې پنځوسیزې وهلي دي، ۱۳۷ څلوریزې او ۷۶ یې شپږیزې وهلي دي.
د شل اوریزو لوبو پیل یې په ۲۰۰۸ کې د سکاټلېنډ پر وړاندې کړی و، ۹۵ شل اوریزو لوبو کې یې ۱۶۷۲ منډې کړي، لوړې یې ۱۲۴ دي، یوه سلیزه او درې یې پنځوسیزې وهلي دي، ۱۳۷ څلوریزې او ۷۶ یې شپږیزې وهلي دي.
وروستۍ شل اوریزه لوبه یې په ۲۰۲۰ کې د افغانستان پر وړاندې د هندوستان په ګرېټرنوېډا کې کړې وه.
