ویاړ نوین الحق په بلاسټ سیالیو کي غوره توپ اچونکي دي
خبریال وېبپاڼه / افغان تیز توپ اچونکی نوین الحق په انګلستان لیګ کې لومړی مقام لري.
د افغانستان د کرکټ ملي لوبډلې چټک توپ اچونکی نوین الحق د انګلستان په کورني ویټالیټي بلاسټ شل اوریزو سیالیو کې لومړی مقام له ځان سره لري.
نوین چې په انګلستان لیګ کې له لیسټرشآیر لوبډلې سره لوبیږي، نوموړي تر دې دمه په دولسو لوبو کې د خپلې لوبډلې لپار ٢١ ویکټې تر لاسه کړې، چې په یاد لیګ کې تر ټولو توپ اچونکو مخکښ دی او لومړی مقام کې ده.
نوین الحق په یاد لیګ کې د ٢١ ویکټو په درلودلو سره لومړی، براتوېت د ۱٨ ویکټو په لرلو سره دوهم، جیک بیل د ١٨ ویکټو په درلودلو سره درېيم، فارکنیسون ١٦ ویکټو په لرلو سره څلورم او په پنځم مقام کې ستیف فاین د ١٦ ویکټو په درلودو سره قرار لري.
یاده دې وي چې په یاد لیګ کې پنځه افغان لوبغاړي قیس احمد، محمد نبي عیسی خېل، نوین الحق، مجیب الرحمان او راشد خان اخیستل شوي.
راشد چې د پاکستان په سوپر لیګ سیالیو کې بوخت ؤ نو له همدې امله یاد هېواد ته نه دی تللی، ویل کیږي چې راشد خان یاد هېواد ته تللی او ډیر ژر له خپلې لوبډلې سره به یو ځای شي، خو پاتې نور افغان لوبغاړي یاد هېواد ته تللي او له خپلو لوبډلو سره یوځای شوي.
راشد چې د پاکستان په سوپر لیګ سیالیو کې بوخت ؤ نو له همدې امله یاد هېواد ته ناوخته تللی، ویل کیږي چې راشد خان به د قرنطین د مودي د تیرولو وروسته به خپلي لوبډلي سره یوځاي شي.
