کرکبال وېبپاڼه- د ۲۰۲۰ کال ای پي ایل سيالیو لپاره ډهلي کپټلز لوبډلې اسټرالیاوی ریان هریس د نوي بالینګ روزونکي په توګه اعلان کړ.
د نوموړي ټاکنه وروسته له هغې مخې ته راځي چې د یادې لوبډلې پخوانی بالینګ روزونکي جېمز هوپس د شخصي ستونزو له کبله د روان کال ای پي ایل سیالیو کې له ګډون ډډه وکړه.
هوپس په ۲۰۱۸ او ۲۰۱۹ کال ای پي ایل سيالیو کې د ډهلي کپټلز لوبډلې روزونکی پاتي شوی وو.
ریان هریس پدې خوشحالي وښوده چې د ډهلي کپټلز لوبډلې روزونکی کیږي.
هغه وویل: (( خوښ یم چې بیرته ای پي ایل ته راګرځم او د ډهلي لوبډلې روزونکی ټاکل کیږم.دا به زما لپاره یو ښه فرصت وي چې یادې لوبډلې یو څه خدمت وکړم زما موخه دا ده چې یادې لوبډلې ته د اتلوالۍ جام ور په برخه کړم.ډهلي لوبډله یو ښه بالینګ لاین لري.زه دېته انتظار یم چې کله به یادې څانګې سره یو ځای کیږم.))
د يادونې وړ ده چې ریان هریس د اسټرالیا کرکټ ملي لوبډلې یو تجربه کاره بالر شمیرل کیده.نوموړي په ۲۰۱۵ کال کې د دوامداره ټپونو له کبله اړ شو چې نړیوال کرکټ ته د پای ټکی کیږدي.
نوموړي د اسټرالیا لپاره په ټیسټ کرکټ کې ۱۱۳ ویکټې، یو ورځنیو لوبو کې ۴۴ او شل اوریزو لوبو کې یې ۴ ویکټې اخیستي وې.
نوموړي په ۲۰۰۹ کال کې دېکن چارجرز لوبډلې ته د اتلوالۍ جام هم ګټلی وه.
هریس لدې وړاندې د اسټرالیا په بیګ باش سیالیو کې د بریسبن هېټ او ای پي ایل سيالیو کې د کینکز الیون پنجاب لوبډلې روزونکی هم پاتي شوی دی.
